आरंभ मराठी / धाराशिव
मानवतेला काळिमा फासणारी अत्यंत धक्कादायक घटना धाराशिव जिल्ह्यात घडली असून, अवघ्या चार वर्ष वय असलेल्या लहान बालिकेवर लैंगिक अत्याचार केल्याची घटना उघडकीस आल्याने समाजमन सुन्न झाले आहे. ही घटना कळंब तालुक्यातील एका गावात घडली आहे.
एका गावातील चार वर्षीय मुलगी (नाव- गाव गोपनीय) ही शुक्रवारी (दि.17) सकाळी साडेदहा वाजता घराबाहेर खेळत होती. त्यावेळी गावातील एका तरुणाने त्या बालिकेला जवळ बोलावून घेवून तिचे लैगिंक शोषण केले. पीडित मुलीच्या आईला हा प्रकार समजल्यानंतर आईने तत्काळ पोलिस स्टेशन गाठत
गुन्हा दाखल केला.
पीडितेच्या आईने दिलेल्या प्रथम खबरेवरुन भा.न्या.सं.कलम-64 सह पोक्सो कलम 3, 4, 5(एम), 6 अन्वये गुन्हा नोंदवला आहे. दोनच दिवसांपूर्वी जिल्ह्यात एका पंधरा वर्षीय अल्पवयीन मुलीवर लैंगिक अत्याचार झाल्याची घटना उघडकीस आली होती. मागील एक आठवड्यात धाराशिव जिल्ह्यात लैंगिक अत्याचाराच्या तीन घटना घडल्या आहेत. त्यातील दोन पीडित मुली या अल्पवयीन आहेत.
