प्रतिनिधी / धाराशिव
महाराष्ट्र राज्य प्राथमिक शिक्षक संघ तालुका शाखा कळंब व भुमच्या वतीने प्रतिवर्षाप्रमाणे यावर्षीही सोमवारी ( दि.२८) सकाळी ९ ते ३ या वेळेत रक्तदान शिबीराचे आयोजन करण्यात आले असल्याची माहीती प्राथमिक शिक्षक संघाचे कळंब तालुकाध्यक्ष दत्तात्रय पवार व भूम तालुकाध्यक्ष रामेश्वर शिंदे यांनी दिली.
शिक्षक संघाचे प्रदेश उपाध्यक्षा सोमनाथ टकले, प्रदेश सचिव भक्तराज दिवाने व जिल्हासरचिटणिस विठ्ठल माने यांच्या पुढाकारातून होणाऱ्या रक्तदान शिबीराचे कळंब येथे शिक्षक भवन कळंब व भूम येथे पंचायत समिती सभागृह येथे आयोजन करण्यात आले आहे. कळंब येथील शिबीराचे उद्घाटन पोलीस निरीक्षक सुरेश साबळे,गटविकास अधिकारी रावसाहेब चकोर,उपशिक्षणाधिकारी शिवाजी फाटक,बालरोग तज्ञ डाँ.रमेश जाधवर,नेत्रविकार तज्ञ अभिजित जाधवर छाती विकार तज्ञ डाँ.महादेव कोरसाळे,अर्थोतज्ञ डाँ.सुशिल ढेंगळे तर भूम येथील शिबीराचे उद्घाटन उप मुख्य कार्यकारी अधिकारी रावसाहेब चकोर व इतर मान्यवरांच्या हस्ते करण्यात येणार आहे.
जिल्ह्यातील शिक्षकांनी व नागरिकांनी रक्तदान करुन सहकार्य करावे असे आवाहन राज्य उपाध्यक्ष सोमनाथ टकले,राज्यचिटणीस भक्तराज दिवाने, जिल्हाध्यक्ष संतोष देशपांडे, एल.बी.पडवळ,सरचिटणीस विठ्ठल माने, कोषाध्यक्ष सुधीर वाघमारे,कार्याध्यक्ष श्रीनिवास गलांडे, कळंब तालुकाध्यक्ष दत्तात्रय पवार, भूम तालुकाध्यक्ष रामेश्वर शिंदे, रणजित पाटील,प्रशांत घुटे,हरी पवार,उत्रेश्वर शिंदे,महादेव खराटे व जिल्हा व तालुका कार्यकारिणीने केले आहे.
