आरंभ मराठी / धाराशिव
धाराशिव जिल्ह्यात अल्पवयीन मुलींवरील लैंगिक अत्याचाराच्या दोन गंभीर घटना समोर आल्या असून, येरमाळा आणि मुरुम पोलीस ठाण्यात संबंधित आरोपींविरुद्ध विविध कलमान्वये गुन्हे दाखल करण्यात आले आहेत. पहिली घटना येरमाळा पोलीस ठाण्याच्या हद्दीत घडली आहे.
एका गावातील 14 वर्षे 5 महिने वयाच्या अल्पवयीन मुलीला ती घरी एकटी असल्याचा फायदा घेत एका तरुणाने फूस लावून तिसऱ्या गावाकडे जाणाऱ्या रस्त्यालगतच्या पायवाटेने डोंगराजवळ नेले. तेथे तिच्यावर लैंगिक अत्याचार केल्याची घटना दिनांक 7 एप्रिल 2026 रोजी सायंकाळी सुमारे 5 वाजण्याच्या सुमारास घडली.
याप्रकरणी पीडित मुलीच्या आईने दिनांक 6 मे रोजी दिलेल्या फिर्यादीवरून संबंधित आरोपीविरुद्ध भारतीय न्याय संहिता कलम 64(1), 64(2) (फ) (जे) तसेच पॉक्सो कायद्यान्वये कलम 4 व 8 अंतर्गत गुन्हा दाखल करण्यात आला आहे. दुसरी घटना मुरुम पोलीस ठाणे हद्दीत घडली आहे. उमरगा तालुक्यातील एका गावातील 17 वर्षे 10 महिन्याच्या मुलीवर लैंगिक अत्याचार झाल्याची घटना घडली.
अल्पवयीन मुलीला दिनांक 22 मे 2025 ते 1 मे 2026 दरम्यान
5 आरोपींनी संगणमत करुन पिडीत मुलीचे लग्न लावून दिले. त्यातील एका तरुणाने तिच्यावर लैंगीक अत्याचार केला. पिडीतेने 6 मे रोजी दिलेल्या प्रथम खबरेवरुन भा.न्या.सं.कलम-64(2)(एम), 3(5) सह 4 पोस्को ॲक्ट सह 9,11 बालविवाह कायदा अन्वये गुन्हा नोंदवला आहे. मागील काही दिवसांपासून धाराशिव जिल्ह्यात अल्पवयीन मुलींवरील अत्याचाराच्या घटना वाढल्या आहेत.
