आरंभ मराठी / धाराशिव
महाराष्ट्राची कुलस्वामिनी आई तुळजाभवानी मातेच्या पावन नगरीमध्ये उद्या, रविवारी सायंकाळी 6 वाजता सुमारे 158 कोटी रुपयांच्या विकास कामांचा भव्य शुभारंभ करण्यात येणार आहे.आमदार राणा जगजितसिंह पाटील यांच्या प्रयत्नातून विकासाची ऐतिहासिक कामे हाती घेण्यात आली आहेत.त्याचाच एक भाग म्हणून या कामांचा आरंभ होत आहे.
आमदार राणा जगजितसिंह पाटील यांच्या प्रयत्नातून तुळजापूर शहरासह तालुक्यात आतापर्यंत अनेक विकासाची कामे हाती घेण्यात आली आहेत. त्यापैकी 33 कोटी रुपयांची कामे अंतिम टप्प्यात आहेत. महाराष्ट्र सुवर्ण जयंती नगरोत्थान योजनेच्या रस्ते विकास प्रकल्पांतर्गत तुळजापूर शहरात विविध विकास कामांचा शुभारंभ करण्यात येत आहे. हा कार्यक्रम कुलस्वामिनी तुळजाभवानी मातेच्या मंदिरासमोरील महाद्वार परिसरात रविवारी सायंकाळी सहा वाजता होणार आहे. कार्यक्रमाला उपस्थित राहण्याचे आवाहन आमदार राणाजगजितसिंह पाटील यांच्या वतीने करण्यात आले आहे.
