आरंभ मराठी / तुळजापूर
कुलस्वामिनी आई तुळजाभवानी मातेच्या दर्शनासाठी आलेल्या नाशिक येथील भाविकांना घाटशिळ पार्किंग भागात बेदम मारहाण करण्यात आली. हा प्रकार बुधवारी दुपारी चारच्या सुमारास घडला.
पोलिस सूत्रांनी सांगितले की, नाशिक शहरातील जयभवानी रोड शंकर नगर नाशिक रोड येथील भाविक राजेंद्र नरहारी पिंगटे (वय 60 वर्षे) हे तुळजापूर येथे देवीच्या दर्शनासाठी आले होते. यावेळी त्यांना आणि त्यांच्या सोबतच्या लोकांना कदम पुजारी व अन्य 5 अनोळखी लोकांनी घाटशिळ पार्किंग भागातील परमेश्वर लॉजसमोर श्री. तुळजाभवानी मंदीरात पुजा करण्याच्या कारणावरुन शिवीगाळ करुन लाथाबुक्यांनी मारहाण केली तसेच जिवे मारण्याची धमकी दिली. राजेंद्र पिंगटे यांनी दिलेल्या तक्रारीवरून उपरोक्त आरोपींविरुद्ध तुळजापूर पोलिस ठाण्यात कलम 143, 147, 324, 323, 504, 506, 427 भा.दं.वि.सं. अन्वये गुन्हा दाखल करण्यात आला आहे.
या प्रकाराने तुळजापूर शहरात खळबळ उडाली आहे.काही पुजारी भाविकांना धमकावत असतात. त्यातून हा प्रकार झाल्याचे सांगण्यात येत आहे.
