प्रतिनिधी / शिराढोण
उपविभागीय पोलीस कळंब यांच्या वतीने तालुक्यातील वंचीत घटकांतील गरीब कुटूंबाची दिवाळी गोड करण्याच्या उद्देशाने वाडी, वस्ती वरील कुटूंबाना दिवाळी शिधा वाटप करुन त्यांच्यात दिवाळी साजरी करण्याचा उपक्रम हाती घेतला आहे. त्यानुषांगाने कळंब येथील उपविभागीय पोलीस अधिकारी एम.रमेश यांच्या मार्गदर्शनाखाली शिराढोण येथील पारधी वस्तीवर जावून शिराढोण पोलीस ठाणे यांच्या वतीने दिवाळी शिध्याचे वाटप कुटूंबांना करुन त्यांच्यात सहभागी होत दिवाळी साजरी केली. यावेळी शिराढोण पोलीस ठाण्याचे सहायक पोलीस निरीक्षक कल्याण नेहरकर, बिट अमलदार दयानंद गादेकर, पोलीस हवालदार काका शेंडगे, सुधीर माळी, नवनाथ खोडसे, बालाजी काटेे आदींची उपस्थिती होती.
