लातूर पॅटर्न निव्वळ हवा, धाराशिवमध्येच मिळते गुणवत्तापूर्ण शिक्षण

पालकांनी सजगपणे विचार करावा,

आदर्श शिक्षण प्रसारक मंडळाचे मुख्य कार्यकारी अधिकारी आदित्य पाटील यांचे आवाहन

आरंभ मराठी / धाराशिव

लातूरमध्ये शिक्षणाच्या माध्यमातून विद्यार्थ्यांची, पालकांची अक्षरशः लुटमार सुरू आहे. धाराशिव शहरात शिक्षण घेऊन दहावीत 90 टक्के गुण घेणारे अनेक विद्यार्थी लातूरला गेल्यानंतर 60 टक्क्यांवर आल्याचे पाहणीत समोर आले आहे.

अशा विद्यार्थ्याना वैद्यकीय महाविद्यालयात प्रवेश मिळणे दुरापास्तच झाले आहे. पालकांच्या वाढलेल्या अपेक्षा आणि यश मिळत नसल्याने अनेक विद्यार्थी तणावात जात आहेत.

वास्तविक पाहता धाराशिव हे गुणवत्तापूर्ण शिक्षणासाठी नाव लौकिक मिळवलेले शहर असून, पालकांनी सजगपणे विचार करून लातूर किंवा अन्य कोणत्याही शहरात शिक्षणासाठी जाण्याऐवजी धाराशिव शहरातच विद्यार्थ्याना बारावीपर्यंत गुणवत्तापूर्ण शिक्षण द्यावे, आता धाराशिव शहरात फिजिक्सवालाच्या माध्यमातून नीट, जेईईचे स्वतंत्र शिक्षण दिले जाणार आहे.असे आवाहन आदर्श शिक्षण प्रसारक मंडळाचे मुख्य कार्यकारी अधिकारी आदित्य पाटील यांनी केले.

धाराशिव शहरात आदर्श शिक्षण प्रसारक मंडळाच्या वतीने प्रथमच दिल्ली येथील उच्च दर्जाच्या फिजिक्सवाला या कोचिंग क्लासेसच्या माध्यमातून पाचवी ते बारावीपर्यंतच्या विद्यार्थ्याना शिक्षण दिले जाणार आहे. त्यासाठी फिजिक्स वाला क्लासेसची टीम या संस्थेत दाखल झाली आहे. यासंदर्भात माहिती देण्यासाठी पालकांची बैठक आयोजित करण्यात आली होती. यावेळी सीईओ आदित्य पाटील म्हणाले,
लातूरमध्ये शिक्षणासाठी प्रचंड प्रमाणात पैसा लागतो, पालक काबाड कष्ट करून विद्यार्थ्याना शिक्षणासाठी लातूरमध्ये पाठवतात.

पालकांच्या विद्यार्थ्यांकडून अवास्तव अपेक्षा आहेत. त्याच्यावर अपेक्षेने ओझं लादताना त्यांच्या मानसिकतेचा अभ्यास करणे गरजेचे आहे. विद्यार्थ्यांच्या भावना समजून घेणे गरजेचे आहे. भोसले हायस्कूलकडून सुरुवातीपासूनच शिक्षणासोबत विद्यार्थ्यांची आवड जोपासली जाते. तणावरहित शिक्षण देताना संस्थेने कला, क्रीडा, संगीत, अशा वेगवेगळ्या विषयात विद्यार्थ्याना पारंगत केले आहे.

नीट, जेईईचा चांगला अभ्यास होण्यासाठी फिजिक्स वालाच्या माध्यमातून अद्यावत पद्धतीने ऑफ लाईन पद्धतीने प्रथमच शिक्षण दिले जाणार आहे. पालकांनी आपल्या मुलांच्या उज्ज्वल भवितव्यासाठी या संस्थेने उपलब्ध करून दिलेल्या अद्ययावत शिक्षण प्रणालीचा उपयोग करून घ्यावा,असे आवाहन प्राचार्य नन्नवरे यांनी केले.

यावेळी उप प्राचार्य संतोष घार्गे, उदयसिंह राजे निंबाळकर, के. टी.पाटील फाऊंडेशनचे आंबेवाडीकर,प्राचार्य चतुर्वेदी आदीसह पालक मोठ्या संख्येने उपस्थित होते.