आरंभ मराठी / धाराशिव
शिवसेनेचे पक्षप्रमुख तथा महाराष्ट्र राज्याचे मुख्यमंत्री एकनाथ शिंदे यांचा वाढदिवस मोठ्या उत्साहात आणि समाजोपयोगी उपक्रमाने शुक्रवारी (दि.9) साजरा करण्यात आला. यानिमित्ताने धाराशिव नगरीचे ग्रामदैवत धारासूरमर्दिनी देवीस महाभिषेक पूजा करुन मुख्यमंत्री शिंदे यांच्या दीर्घायुष्यासाठी प्रार्थना करण्यात आली.
पालकमंत्री प्रा.डॉ.तानाजीराव सावंत यांच्या मार्गदर्शनाखाली या कार्यक्रमाचे आयोजन करण्यात आले होते. तत्पूर्वी कळंब येथील शिवसेना संपर्क कार्यालयात रक्तदान शिबिर घेण्यात आले. त्यानंतर धाराशिव येथील जिल्हा रुग्णालय तसेच जिल्हा स्त्री रुग्णालयात रुग्णांना फळे वाटप करण्यात आले.
यावेळी शिवसेना जिल्हाप्रमुख सुरज साळुंके, भीमा जाधव, पप्पू मुंडे शिवसेना शहर संघटक रणजीत चौधरी, शिवसेना उपशहर प्रमुख रजनीकांत माळाळे, नितीन देवकते, सादिक तांबोळी, प्रवीण पवार, कुणाल धोत्रीकर, विशाल हिंगमिरे, बालाजी राऊत, रवी देवकते, ज्ञानेश्वर ठवरे,तेजस नवले, रामेश्वर घोगरे, अक्षय माळी, अक्षय शेंडगे, अभिजीत देडे, आबा देवकते , शुभम पांढरे, सौरभ निंबाळकर यांच्यासह इतर शिवसैनिक मोठ्या संख्येने उपस्थित होते.वाढदिवसानिमित्त जिल्ह्यात विविध कार्यक्रम घेण्यात आले.
