आरंभ मराठी / परंडा
तालुक्यातील सोनारी येथील भैरवनाथ शुगर या साखर कारखान्यासमोर पालकमंत्री डॉ. तानाजी सावंत यांचे पुतणे धनंजय सावंत यांच्या घरासमोर मध्यरात्री गोळीबार झाल्याची घटना घडली आहे. या घटनेने परिसरात खळबळ उडाली आहे. परंडा भागात शनिवारी मुख्यमंत्री एकनाथ शिंदे यांचा दौरा आहे. या पार्श्वभूमीवर तयारी सुरू असतानाच झालेल्या गोळीबाराच्या घटनेने खळबळ उडाली असून, पोलिसांनी तपास गतिमान केला आहे.
मिळालेल्या माहितीनुसार डॉ.तानाजी सावंत यांचे पुतणे धनंजय सावंत यांच्या कारखान्यासमोरील घरासमोर मध्यरात्री अज्ञात दोन व्यक्तींनी येऊन गोळीबार केला असून, या गोळीबाराचे कारण अद्याप समजू शकले नाही.गोळीबार करणारे दोघे दुचाकीवरून पळून गेल्याचे बंगल्यावरील सुरक्षारक्षकाने सांगितले.या प्रकरणी आंबी पोलिस ठाण्यात तक्रार दाखल करण्यात आली आहे.
खंडेश्वरी प्रकल्पाच्या संदर्भात गेल्या आठवड्यात या भागातील शेतकऱ्यांनी भूम येथील उपविभागीय कार्यालयावर मोर्चा काढला होता. त्यानंतर पालकमंत्री डॉ.तानाजी सावंत आणि मांगले यांच्यामध्ये वाद झाला होता. या वादातून काही प्रकार घडला आहे का, याचाही पोलिस शोध घेत आहेत.
मुख्यमंत्री शिंदे यांच्या दौऱ्याच्या पार्श्वभूमीवर घडलेल्या या घटनेमुळे परिसरात खळबळ उडाली आहे.
