प्रतिनिधी / धाराशिव
भारतीय किसान संघ जिल्हा धाराशिवच्या वतीने कृषी देवता श्री भगवान यांच्या जयंतीनिमित्त रक्तदान शिबिराचे आयोजन वैद्यकीय महाविद्यालयात करण्यात आले होते. संपूर्ण भारत देशातील शेतकरी बांधव व भारतीय किसान संघ कृषी देवता श्री.भगवान बलराम यांचे पुजन करीत असतो. त्यांची जयंती भाद्रपद शु.षष्ठी या दिवशी देशभर साजरी केली जाते,हे औचित्य साधुन व शासकीय महाविद्यालय येथील रक्तपेढीतील गरज ओळखून भारतीय किसान संघाच्या वतीने रक्तदान शिबीराचे आयोजन करण्यात आले होते.
शिबीराची सुरूवात भारतीय किसान संघाचे जिल्हा संयोजक नितीन घुले यांच्या हस्ते भारतमाता व भगवान बलराम यांच्या प्रतिमा पुजनाने झाली.यामध्ये जिल्हातील शेतकऱ्यांनी वैद्यकीय महाविद्यालयातील रक्तपेढीत स्वयंस्फूर्तीने उपस्थित राहून रक्तदान केले. शिबीराच्या यशस्वीतेसाठी रक्तपेढीतील डाँ. कांबळे,डाँ.अमर सातपुते, व किसान संघाचे सदस्य अमोल सोमवंशी, बिपीन घुले, भुपाळ गायकवाड, अशोक गपाट,अमित उंबरे यांनी सहकार्य केले.
