गणपती विसर्जन व ईद ए मिलाद एकाच दिवशी येत असल्यामुळे 28 ऐवजी 29 सप्टेंबर रोजी जुलूस काढण्याचा मुस्लिम बांधवानी घेतला निर्णय
प्रतिनिधी / येडशी
धाराशिव तालुक्यातील येडशी येथे ईद ए मिलादून्नबी कमिटीची निवड करण्यात आली (दि.19) रोजी मंगळवारी पार पडलेल्या बैठकीत अध्यक्षपदी रफीक पटेल तर उपाअध्यक्षपदी समीर पटेल यांची निवड करण्यात आली असून, ईतर कार्यकारणीत सचिव आलम सय्यद,सहसचिव समीर कोतवाल,खजिनदार हैदर पटेल, कोषाध्यक्ष आसिफ तांबोळी,सदस्य सल्लाऊदीन शेख,अखिल शेख, मौलाना अमजत पटेल, मौलाना अब्दुल सत्तार पटेल यांची निवड करण्यात आली.
तसेच यंदा ईद ए मिलाद आणि गणपती विसर्जन एकाच दिवशी येत असल्याने येडशी येथील मुस्लिम बांधवानी ईद ए मिलाद म्हणजेच मोहमंद पैगंबर यांच्या जन्मोत्सवाची जुलूस मिरवणूक 28 ऐवजी 29 सप्टेंबर रोजी काढण्याचा निर्णय घेतला आहे.यावेळी मज़हर पटेल,इमरान पटेल,मुबारक शेख,शारूख बागवान,रमजान तांबोळी,सद्दाम पिंजारी, यांच्यासह मुस्लिम बांधव उपस्थित होते.
