प्रतिनिधी/ धाराशिव
लोकसभा मतदार संघातील दिव्यांग बांधवांना दिव्यांग दिनाच्या पार्श्वभूमीवर तुळजापूर येथे शुक्रवारी (दि.१) खासदार ओमप्रकाश राजेनिंबाळकर यांच्या हस्ते व तुळजापूरचे गट विकास अधिकारी ताकभागे आणि तहसीलदार बोळंगे यांच्या प्रमुख उपस्थितीत साधन साहित्य वाटप करण्यात आले. या कार्यक्रमासाठी दिव्यांग बांधव मोठ्या संख्येने उपस्थित होते.
१७ ते २४ एप्रिल २०२३ या कालावधीमध्ये संपूर्ण मतदार संघात दिव्यांग बांधवाच्या तपासणी शिबीराचे आयोजन करण्यात आले होते. ADIP योजने अंतर्गत मोफत कृत्रीम अवयव व साहित्य साधने वाटपासाठी तुळजापूर येथे पंचायत समितीच्या कार्यालयामध्ये उपक्रम घेण्यात आला.त्यात एकुण ३६१ पात्र दिव्यांगना विविध कृत्रिम अवयव व साहित्य वाटप करण्यात आले. पात्र लाभार्थ्यांना सायकल, व्हील चेअर, कुबडीजोडी, श्रवणयंत्र, सी. पी. चेअर, अंधकाटी, स्मार्ट फोन,स्टीक, आदी साहित्य गरजु व पात्र लाभर्थ्यांना वाटप करण्यात आले.
यावेळी जगन्नाथ गवळी,कमलाकर चव्हाण,सुधीर कदम,शामलताई वडणे.सुरखेताई मुळे.प्रदीप मगर,शामभाऊ पवार,बापुसाहेब नाईकवाडी, बाळासाहेब शिंदे.प्रतिक रोचकरी,सुनिल जाधव,बाळकृष्ण पाटील.विकास भोसले.,चेतन बंडगर, कृष्णात आण्णा मोरे,बालाजी पांचाळ,अमोल गवळी डॉक्टर जितेंद्र कानडे अनिल धोत्रे मनोज डोंगरे यांच्यासह दिव्यांग मोठ्या संख्येने उपस्थित होते.
