आरंभ मराठी / तुळजापूर
तुळजापूर ड्रग्ज प्रकरणी शुभम नेपते या नविन संशयित आरोपीस अटक करण्यात आली असून, नेपते यास बुधवारी रात्री तुळजापूर येथून पोलीसांनी अटक केली आहे. तुळजापूर ड्रग्ज प्रकरणातील हा नविन संशयित आहे. दरम्यान या प्रकरणी आत्तापर्यंत अटक झालेल्या संशयित आरोपींची संख्या १९ झाली असून, अजून १८ जण फरार आहेत.
१४ फेब्रुवारी रोजी पहिल्यांदा हे रॅकेट उघडकीस आले होते. त्यानंतर या संपूर्ण प्रकरणाचा पोलिसांनी अत्यंत शिस्तबद्ध व नियोजनपूर्वक तपास करत एकूण ३७ आरोपी निष्पन्न केले आहेत. त्यामध्ये आत्तापर्यंत एकूण १९ जणांना अटक करण्यात पोलिसांना यश आले आहे. या प्रकरणातील दोषारोपपत्रही न्यायालयात सादर करण्यात आले आहे. पोलीस अधीक्षक रितू खोकर यांच्या मार्गदर्शनाखाली उपविभागीय पोलीस अधिकारी निलेश देशमुख व तामलवाडीचे सहाय्यक पोलीस निरीक्षक गोकुळ ठाकूर हे पुढील तपास करत आहेत.
