आरंभ मराठी / तुळजापूर
कुलस्वामिनी आई श्री तुळजाभवानीच्या मंदिर परिसरात तंबाखू व तंबाखूजन्य पदार्थ खाऊन थुंकणाऱ्या 8 पुजाऱ्यांना मंदिर संस्थानकडून मागील महिन्यात काही पुजाऱ्यांना कारवाईचा इशारा देऊन नोटीस देण्यात आल्या होत्या. यापैकी 6 पुजाऱ्यांनी गुन्ह्याबाबत माफी मागितली होती. त्यांच्यावर एक महिना मंदिर बंदीची कारवाई करण्यात आली आहे तर दोघांनी नोटीसला उत्तर न दिल्याने त्यांच्यावर तीन महिन्यांसाठी मंदिर बंदीची कारवाई करण्यात आली आहे.
मंदिर परिसरात थुंकणाऱ्या 8 पुजाऱ्यांना मंदिर संस्थानकडून नोटीस देण्यात आली होती.
नोटीस बजावण्यात आलेल्या पुजाऱ्यांपैकी 6 जणांनी नोटिशीची दखल घेऊन आपला माफीनामा सादर केला होता. त्यांच्यावर 1 महिन्याची प्रवेशबंदी करण्यात आली आहे. महिन्याची कारवाई करण्यात आलेल्यांमध्ये
1. लखन रोहिदास भोसले
2. अक्षय किशोर कदम-भैय्ये
3. विशाल हनुमंत चव्हाण
4. धीरज राजू चोपदार
5. वैभव खुशालराव भोसले
6. राहुल हनुमंत पवार, यांचा समावेश आहे.तर 2 जणांनी नोटिशीला कोणतेही उत्तर न दिल्याने त्यांच्यावर 3 महिने प्रवेशबंदीची कारवाई करण्यात आली आहे.यामध्ये 1. विशाल दादासाहेब मगर, 2. विशाल बाळासाहेब गंगणे यांचा समावेश आहे.
संबंधित पुजाऱ्यांना अशोभनीय व मंदिराचे शिस्तीस बाधा आणणारे तसेच कायदा व सुव्यवस्थेस अडथळा निर्माण करणारे वर्तन करण्यास जबाबदार ठरवण्यात आले आहे. ही कारवाई देऊळ कवायत कायदा 1909 कलम 24 व 25 नुसार करण्यात आलेली आहे.
