आरंभ मराठी / धाराशिव
स्थानिक गुन्हे शाखेच्या पथकाने मध्यरात्री मोठी कारवाई करत मुंबईला विक्रीसाठी नेण्यात येणारा आठ किलोपेक्षा जास्त गांजा येडशी येथे पकडला. याप्रकरणी एका आरोपीला ताब्यात घेण्यात आले आहे.
यासंबंधी सविस्तर वृत्त असे की,
पोलीस अधीक्षक रितू खोखर यांनी स्थानिक गुन्हे शाखेला अंमली पदार्थांची विक्री करणाऱ्या व्यक्तींवर कारवाई करण्याचे आदेश दिले होते. त्यानुसार 12 जून रोजी मध्यरात्री बारा वाजता स्थानिक गुन्हे शाखेचे सपोनि कासार व त्यांचे पथक हे धाराशिव उपविभागात गस्त करत होते.
हे पथक येडशी येथील हॉटेल समाधान समोरील ट्रॅव्हल पॉईंट येथे गेले असता, तिथे एक व्यक्ती काळ्या रंगाच्या बॅगसह संशयितरित्या थांबलेला दिसून आला. त्याला पथकाने विश्वासात घेऊन बॅगमध्ये काय आहे असे विचारले असता त्याने बॅगमध्ये गांजा असल्याचे पोलिसांना सांगितले.
त्यावरून तात्काळ पोस्टे ग्रामीण पोलिसांची मदत घेऊन पंचनामा करून बॅग मधील तब्बल 8.27 किलो वजनाचा 1,65,400 रुपये किंमतीचा गांजा जप्त करण्यात आला. यावेळी ताब्यात घेतलेल्या व्यक्तीचे नाव वसंत भालचंद्र शिंदे (रा. वाखरवाडी ता.जी धाराशिव) असे असून तो हा गांजा ढोकी येथुन ट्रॅव्हल्सद्वारे मुंबई येथे नेऊन विकणार होता अशी माहिती तपासातून प्राप्त झाली.
त्या व्यक्तीला पुढील कारवाईसाठी धाराशिव ग्रामीण पोलीस ठाण्या जप्त मुद्देमालासह हजर करण्यात आले. त्याच्यावर पोस्टे धाराशिव ग्रामीण गु र नं 125 / 25 कलम 8 क 20 (ब)(2)(ब) एन डी पी एस अन्वये गुन्हा दाखल करण्यात आला आहे.ही कामगिरी पोलीस अधीक्षक धाराशिव श्रीमती रितु खोखर व अपर पोलीस अधीक्षक धाराशिव श्रीमती शफकत आमना यांचे मार्गदर्शनाखाली पोलीस निरीक्षक विनोद इज्जपवार स्थागुश धाराशिव, पोनि मारुती शेळके पोस्टे धाराशिव ग्रामीण, सपोनि सुदर्शन कासार स्थागुशा, पोलीस उपनिरीक्षक उद्धव हाके, पोस्टे ग्रामीण हवालदार शौकत पठाण, प्रकाश औताडे, जावेद काझी फरहान पठाण स्थागुशा, पोना राजकूमार वाघमारे, पोका सुधीर भांतलवंडे, पोस्टे ग्रामीण चपोअ रत्नदीप डोंगरे, चपोअ रामलिंग बनाळे,डॉग स्कॉडचे पोहेका सुजित वडणे व संतोष शाहीर यांनी संयुक्तपणे केली.
