प्रतिनिधी / कळंब
व्यवस्था माणसाला आपली ताकद लावण्यात मजबूर करते, म्हणजेच आपल्या न्याय हक्कासाठी रस्त्यावर उतरण्यास भाग पाडते. अन्यायाविरोधात काम करणाऱ्या आणि त्यांच्या जोडीदारास तेवढ्याच ताकदीने खांद्याला खांदा लावून पाठबळ देणाऱ्या महिलांचा जागतिक मानवी हक्क दिनाच्या निमित्ताने सन्मान करण्यात आला.
महाराष्ट्र लोकविकास मंचच्या वतीने कर्तृत्वान महिलांना पुरस्कार वितरण पर्याय संस्थेच्या सभागृहात विश्वनाथ तोडकर यांच्या अध्यक्षतेखाली संपन्न झाला. यावेळी बोलताना विश्वनाथ तोडकर म्हणाले की,महिला अन्यायाच्या विरोधात लढणाऱ्या तसेच विधवा, परितक्त्या व एकल महिलांसाठी पंचायत राज सत्तेत त्यांना अधिकार व न्याय मिळवून देणाऱ्या महिला कार्यकर्त्यांचा सन्मान करण्यात येत असून, सर्व पुरस्कार महिलांसाठीच देण्यात आले आहेत. या कार्यक्रमात महाराष्ट्र लोक विकास मंचचे राष्ट्रीय उपाध्यक्ष एम.एन.
कोंढाळकर, सामाजिक कार्यकर्त्या मंगलाताई दैठणकर(पुणे), राष्ट्रीय संघटक रमाकांत कुलकर्णी, भूमिपुत्र वाघ,मनीषा घुले,बंडू आंबटकर, अरुण जाधव,ओमप्रकाश गिरी, पुष्कराज तायडे आदींनी मनोगत व्यक्त केले. कार्यक्रमाची सुरुवात क्रांतीज्योती सावित्रीबाई फुले यांच्या प्रतिमेस पुष्पहार अर्पण करून करण्यात आली. या सन्मान सोहळ्यात पुणे येथील ज्येष्ठ सामाजिक कार्यकर्त्या, महिला राजसत्ता आंदोलनाच्या प्रवक्त्या मंगलताई दैठणकर यांना जीवनगौरव पुरस्कार, द्वारका पवार (अहमदनगर), लिलावती चव्हाण (हिंगोली), विद्याताई वाघ (धाराशिव), अनिता तोडकर (छत्रपती संभाजी नगर), कालिंदी पाटील (पुणे) ,उषावर्ता बेळे (लातूर), पंचफुला बिराजदार (नांदेड), विजया मधुकर धस (यवतमाळ), शबाना शेख (सांगली), मेघनाताई कुलकर्णी (पुणे),सत्वशीला घुले (बीड), सुशीलाताई पाईकराव (हिंगोली), संध्याताई बारगजे (बीड), मंगलाताई भिसे (बीड), नर्मदा जोगदंड (परभणी) यांना कर्मयोगी कार्य गौरव व समाज कार्यातील गौरव स्तंभ पुरस्काराने मान्यवरांच्या हस्ते सन्मानित करण्यात आले. या सन्मानाचे स्वरूप सन्मानपत्र, स्मृतीचिन्ह पुष्पहार,फेटा असे होते. कार्यक्रमाचे सूत्रसंचालन तेजश्री तोडकर यांनी केले. प्रास्ताविक मनीषा घुले यांनी तर आभार ओमप्रकाश गिरी यांनी मानले. राष्ट्रगीताने कार्यक्रमाची सांगता करण्यात आली. या कार्यक्रमासाठी ज्येष्ठ नागरिक महासंघाचे प्रकाश भडंगे, एॕड ,त्रिंबकराव मनगिरे,विलास करंजकर, संजय घुले, सुफी सय्यद ,सुभाष घोडके, माधवसिंग राजपूत यांची उपस्थिती होती. कार्यक्रम यशस्वी करण्यासाठी पर्याय सामाजिक संस्थेचे विलास गोडगे ,सुनंदा खराटे,अश्रुबा गायकवाड, भिकाजी जाधव, विकास कुदळे, बालाजी शेंडगे ,वैभव चोंदे, अश्रुबा गायकवाड, रियाज शेख,अतुल चिलवंत यांनी पुढाकार घेतला.
