प्रतिनिधी / धाराशिव
येथील आदर्श शिक्षण प्रसारक मंडळ संचलित, फ्लाईंग किड्स इंटरनॅशनल इंग्लिश स्कूल येथे शनिवारी ‘एक मूल एक झाड’ या उपकरणाद्वारे वृक्षारोपणाचा कार्यक्रम निसर्गाच्या सान्निध्यात नयनरम्य -अल्हाददायक वातावरणात पार पडला.या उपक्रमात चिमुकल्यांनी देखील मोठ्या उत्साहात सहभाग नोंदवला.
प्राचार्य चंद्रमणी चतुर्वेदी यांनी विद्यार्थ्यांना वृक्षांचे महत्व व ‘वृक्षारोपण व निरोगी आरोग्य, वन्यजीव व पक्षी यातील बंध, वाढती जनसंख्या व त्यामुळे वाढते औद्योगिकीकरण, होणारे परिणाम यावर आळा घालण्यासाठी वृक्ष का महत्वाचे,अशा विविध विषयावर मार्गदर्शन केले.
यावेळी स्वतः प्राचार्य व सर्व सहशिक्षक -शिक्षिका यांनी सर्व विद्यार्थ्यांसमवेत उत्साहात वृक्षारोपण कार्यक्रमात उत्स्फूर्त सहभाग नोंदवला. याप्रसंगी विद्यालयाचे प्राचार्य चंद्रमणी चतुर्वेदी,वाले, सुतार, वाघमारे,बनसोडे, गायकवाड, राठोड, पांडे, जेकॉब आदींसह सर्व शिक्षिका तसेच सर्व कर्मचारी उपस्थित होते.
