प्रतिनिधी / तुळजापूर
धाराशिव येथील फ्लाईंग किड्स इंटरनेशनल इंग्लिश स्कूलच्या वतीने आयोजित जिल्हास्तरीय पालक कार्यशाळा तुळजापूर येथे घेण्यात आली. सदरील कार्यशाळेत प्राचार्य चंद्रमणी चतुर्वेदी यांनी पालकांना विविध विषयांवर चर्चासत्र व मार्गदर्शन केले.
महत्वाचे म्हणजे विद्यार्थ्यांना व विद्यार्थ्यांच्या अनेक अडचणींना सामोरे जावे लागण्याचे पालकांसमोरील मोठे आव्हान, कोरोना काळाचा प्रादुर्भाव पाहता शैक्षणिक नुकसान भरपाई करण्याचा कानमंत्र, शिस्त व संस्कार याच बरोबर संस्कृती व शिक्षण या सर्व गोष्टींचा विचार करता पाल्यावर कसे करायचे संस्कार, बालकांच्या मोबाईल वापराचे कारण, तोटे व त्यावरील उपाय, पालकांना आजच्या पिढीतील मुलामुलींना योग्य मार्गदर्शन, संस्कार देत असताना मधेच येणारे अडथळे आणि त्यांचे निराकरण या बाबींवर चर्चा सत्र पार पडले. याबद्दल प्राचार्य चतुर्वेदी यांचे कौतुक केले जात आहे.
