आरंभ मराठी/ धाराशिव
येथील प्रसिद्ध व्यवसायिक अविनाश बाबूराव हंगे यांचे हृदयविकाराच्या झटक्याने आज सकाळी साडेपाच वाजता निधन झाले.त्यांच्यावर दुपारी 12 वाजता कपिलधर स्मशानभूमीत अंत्यसंस्कार करण्यात येणार आहेत.
अविनाश हंगे हे टाइल्स तसेच प्लंबिंग साहित्याचे होलसेल विक्रेते होते. तांबरीचा राजा गणेश मंडळाचे ते अध्यक्ष होते. या मंडळाच्या माध्यमातून त्यांनी अनेक सामाजिक उपक्रम राबविले. अत्यंत मनमिळावू आणि सामाजिक कार्यात अग्रेसर असणाऱ्या हंगे यांना आज पहाटे हृदयविकाराचा त्रास सुरू झाला.
त्यानंतर त्यांना शहरातील निरामय हॉस्पिटल येथे दाखल करण्यात आले. यादरम्यान त्यांचा मृत्यू झाला ते 49 वर्षांचे होते. त्यांच्या पश्चात पत्नी, दोन मुले, एक मुलगी, असा परिवार असून, त्यांच्या मृत्यूने सर्वत्र हळहळ व्यक्त होत आहे.
