प्रतिनिधी / अणदूर
नळदुर्ग-तुळजापूर रोडलगत असलेल्या गोलाई चौकात महात्मा बसवेश्वरांच्या पुतळ्यासह बसव सृष्टी उभारणार असल्याचे आमदार राणा जगजितसिंह पाटील यांनी सांगितले असून,त्यांच्या घोषणेचे स्वागत केले जात आहे. तसेच आमदार पाटील यांचे अभिनंदन केले जात आहे. अनेक वर्षांपासून असलेल्या लिंगायत समाजाच्या मागणीला मूर्त स्वरूप येत असल्याने समाजात उत्साहाचे, समाधानाचे वातावरण निर्माण झाले आहे. त्याबद्दल आ. पाटील यांचे सर्वत्र अभिनंदन व कौतुक केले जात आहे.भारतीय जनता पार्टीचे जिल्हा उपाध्यक्ष दीपक दीपक आलुरे, सामाजिक कार्यकर्ते काशिनाथ शेटे, रेवनसिद्ध लामतुरे, बाळासाहेब पाटील, शेखर मुदकण्णा, दयानंद मुडके, वसंत वडगावे, गिरीश शेटे यांच्या पाठपुराव्याला यश आल्याने सर्वत्र अभिनंदन केले जात आहे.
नळदुर्ग-तुळजापूर मार्गावरील गोलाई चौकात गायरान व वन विभागाच्या जागेत महात्मा बसवेश्वरांच्या पुतळ्यासह भव्य मूर्ती, बसव सृष्टी,ध्यान केंद्र ग्रंथालय, बगीच्या विकसित करण्यात येणार आहे. याबाबत लिंगायत समाज बांधवांसोबत पाटील यांनी शासकीय विश्रामगृहात बैठक घेऊन लवकरात लवकर कामाला गती देण्याच्या सूचनाही संबंधित विभागाला दिल्याचे ऍड. दीपक आलूरे यांनी सांगितले.
