४ जागा बिनविरोध तर ९ पैकी ८ जागा भाजपने जिंकल्या
आरंभ मराठी / धाराशिव
धाराशिव जिल्हा मजूर फेडरेशनवर पुन्हा एकदा वर्चस्व मिळवले आहे. मजूर फेडरेशनच्या स्थापनेपासून माजी मंत्री डॉ.पद्मसिंह पाटील यांचे वर्चस्व होते.पुढे त्यांचे चिरंजीव व भाजप आमदार राणाजगजितसिंह पाटील यांनी संस्थेवर आपली सत्ता कायम ठेवली. पुन्हा एकदा फेडरेशनवर राणा जगजितसिंह पाटील यांनी वर्चस्व मिळवले आहे.
२०२५-२०२९ च्या पंचवार्षिक निवडणुक खासदार ओमप्रकाश राजेनिंबाळकर व आमदार कैलास पाटील यांनी आपली प्रतिष्ठा पणाला लावली होती.एक मतदार थेट दिल्लीहून विमानाने आणला होता. मात्र या निवडणुकीत आ.राणा जगजितसिंह पाटील यांच्या नेतृत्वाखालील पॅनेलचे १३ पैकी १२ उमेदवार निवडून आले आहेत.आ.पाटील यांच्या गटाच्या चार जागा सुरुवातीला बिनविरोध निवडून आल्या होत्या. उर्वरित ९ जागासाठी निवडणूक झाली होती. त्यात लोहाऱ्याची जागा महाविकास आघाडीने केवळ १ मताने जिंकली व आ.पाटील यांच्या पॅनल च्या ८ जागा मोठ्या मताधिक्याने निवडून आल्या.
