परंडा येथील सभेनंतर 3 वाजता हेलिकॉप्टरने विमानतळावर येणार; सुधीर पाटील यांच्या पुढाकारातून हातलाई मंगल कार्यालयात शिवसेनेचा मेळावा
आरंभ मराठी / धाराशिव
राज्याचे मुख्यमंत्री एकनाथ शिंदे उद्या शनिवारी धाराशिव जिल्हा दौऱ्यावर येत आहेत. ते सकाळी धाराशिवच्या विमानतळावर विमानाने येणार असून, त्यानंतर हेलिकॉप्टरने परंडा येथील शासकीय कार्यक्रमासाठी जाणार आहेत. परंड्यातील कार्यक्रमानंतर ते परत हेलिकॉप्टरने धाराशिव विमानतळावर उतरतील. त्यानंतर शिवसेना पक्षाच्या मेळाव्यासाठी ते धाराशिव विमानतळापासून 15 किलोमिटर अंतरावर असलेल्या बार्शी रोडवरील हातलाई मंगल कार्यालयापर्यंत कारने प्रवास करणार आहेत. मुख्यमंत्री शिंदे यांच्या प्रवासाच्या मार्गावरील रस्त्याच्या दुरुस्तीचे काम सुरू करण्यात आले आहे.
मुख्यमंत्री तथा शिवसेनेचे पक्षप्रमुख एकनाथ शिंदे यांच्या शनिवारी होणाऱ्या दौऱ्याची प्रशासकीय स्तरावर आणि पक्षाच्या नेत्यांकडून तयारी सुरू झाली आहे. परंडा येथील महिला सशक्तीकरण अभियानातंर्गत मुख्यमंत्री माझी लाडकी बहीण योजनेचा प्रचार व प्रसार कार्यक्रम झाल्यानंतर मुख्यमंत्री एकनाथ शिंदे धाराशिव येथे पक्षीय कार्यक्रमासाठी येणार आहेत. त्यासाठी जय्यत तयारी केली जात आहे. हातलाई मंगल कार्यालयात शिवसेनेचे जिल्हा संघटक सुधीर पाटील यांच्या पुढाकारातून होणाऱ्या या कार्यक्रमात मेळावा तसेच पक्ष प्रवेश आणि प्रातिनिधिक स्वरूपात काही शाखांचे उद्घाटन करण्यात येणार आहे. दरम्यान मुख्यमंत्र्यांच्या दौऱ्याच्या पार्श्वभूमीवर धाराशिव ते हतलाई मंगल कार्यालयापर्यंत रस्त्याची दुरुस्ती सुरू झाली आहे. मुख्यमंत्री शिंदे हे विमानतळापासून शिंगोली सर्किट हाऊस येथे कारने येतील. त्यानंतर ते तेरणा महाविद्यालय,प्रशासकीय इमारत, जिजाऊ चौक मार्गे हातलाई मंगल कार्यालयापर्यंत कारने प्रवास करतील.
असा असेल मुख्यमंत्री एकनाथ शिंदे यांचा दौरा
मुख्यमंत्री शिंदे यांचा शनिवार, दि. १४ सप्टेंबर २०२४ रोजीचा मुंबई लातूर धाराशिव जिल्हा दौरा कार्यक्रम
–
सकाळी ०९.४५ वा.
वर्षा निवासस्थान, मलबार हिल, मुंबई येथून मोटारीने मुंबई विमानतळाकडे प्रयाण
–
सकाळी १०.१५ वा.
मुंबई विमानतळ येथे आगमन व शासकीय विमानाने लातूर विमानतळाकडे प्रयाण
–
सकाळी ११.३० वा.
लातूर विमानतळ, जि. लातूर येथे आगमन व हेलिकॉप्टरने परांडा, जि. धाराशिवकडे प्रयाण
दुपारी १२.१५ वा.
सव्र्व्हे नं. १४५/४ मधील ०.३२ मौजे परांडा येथील हेलिपॅड, परांडा, जि. धाराशिव येथे आगमन व मोटारीने परांडा, जि. धाराशिवकडे प्रयाण
–
दुपारी १२.२५ वा.
परांडा, जि. धाराशिव येथे आगमन व राखीव
दुपारी १२.३० वा.
महिला सशक्तीकरण अभियानातंर्गत मुख्यमंत्री माझी लाडकी बहीण योजनेचा प्रचार व प्रसार कार्यक्रम
स्थळ :- परांडा, जि. धाराशिव
–
दुपारी ३.०० वा.
मोटारीने सव्र्व्हे नं. १४५/४ मधील ०.३२ परांडा येथील हॅलिपॅड, परांडा जि. धाराशिवकडे प्रयाण
हॅलिपॅड येथे आगमन हेलिकॉप्टरने धाराशिव विमानतळाकडे प्रयाण
धाराशिव विमानतळ येथे आगमन व मोटारीने धाराशिवकडे प्रयाण
दुपारी. ३.१५ वा.
शासकीय विश्रामगृह धाराशिव येथे आगमन व राखीव
सायं. ४.०० वा.
शिवसेना पक्षाचा मेळावा
स्थळ :- हातलाई मंगल कार्यालय, बार्शी रोड, धाराशिव संदर्भ : सुधीर पाटील, जिल्हाप्रमुख शिवसेना धाराशिव
सायं. ०५.०० वा.
मोटारीने विमानतळाकडे प्रयाण
सायं. ०५.१५ वा.
धाराशिव विमानतळ येथे आगमन व राखीव
सायं. ०६.३० वा.
मुंबई विमानतळ येथे आगमन
सायं. ०७.०० वा.
मोटारीने वर्षा / ठाणे निवासस्थान येथे आगमन व राखीव
