सचिन दराडे / तेरखेडा
राज्य शासनाने जाहिरात केलेली प्रधानमंत्री पिक विमा योजना पहिल्याच हंगामात अडचणीत येण्याची शक्यता आहे. कारण खरीप हंगामात अग्रीम देण्याची वेळ आल्यानंतर आता विमा भरताना अडचणी येत आहेत. योजनेअंतर्गत एक रुपयामध्ये शेतकऱ्यांना पिक विमा देण्याची घोषणा राज्य शासनाने केली . मात्र आता रब्बी हंगामासाठी पिक विमा भरताना वेबसाईटवर आठवड्यापासून एरर दाखवत आहे. त्यामुळे शेतकऱ्यांना विमा योजनेपासून वंचित राहण्याची भीती वाटत आहे.
पिक विमा भरण्यासाठीची वेबसाईट विमा भरत असताना ओपन होत नाही. त्यामुळे पिक विमाच भरला जात नाही. एकीकडे निसर्गाने साथ सोडलेलीच आहे. मात्र शासनाचे देखील पिक विमा कंपनीचे पोर्टल चालवणाऱ्या संस्थेवरती नियंत्रणराहिलेले नाही की काय असा प्रश्न सर्वसामान्य जनतेच्या मनात निर्माण झाला आहे.
राज्यातील लाखो शेतकरी पिक विमा योजनेमध्ये सहभागी होतात त्यासाठी ते सीएससी केंद्रावर ती जाऊन पिक विमा भरणा करतात. मात्र मागील बऱ्याच दिवसापासून पिक विमा कंपनीची वेबसाईट बंद आहे फार्म भरत असताना क्षेत्रच ओपन होत नाही. त्यामुळे पिक विम्याचा फॉर्म अपलोड केला जात नाही. परिणामी राज्यातील लाखो शेतकरी या योजनेत सहभागी होऊ शकत नाहीत. पीक विमा भरण्याची मुदत मर्यादित आहे. त्यामुळे प्रशासकीय स्तरावरून योग्य कार्यवाही करून सर्वसामान्य शेतकऱ्यांना दिलासा देण्यासाठी आणि सर्व शेतकऱ्यांना या योजनेत समाविष्ट करण्यासाठी प्रयत्न व्हावेत अशी अपेक्षा शेतकरी वर्गातून व्यक्त केली जात आहे.
