आरंभ मराठी / तेर
मुलींच्या इंजिनिअरिंग प्रवेशासाठी पैसे नसल्यामुळे व वाढता कर्जाचा बोजा यामुळे धाराशिव तालुक्यातील डकवाडी येथील मुलीच्या शेतकरी पित्याने गळफास घेऊन जीवन संपविल्याची काळजाला पिळवटून टाकणारी घटना सोमवारी घडली.
डकवाडी येथील अमोल नवनाथ डक (वय – ३८) यांनी मुलीच्या इंजिनिअरिंग प्रवेशासाठी पैसे नसल्यामुळे व बँकेचे कर्ज कसे फेडू या नैराश्यातून दिनांक २२ जून ते २३ जूनच्या राञी घरात साडीच्या सहाय्याने गळफास घेऊन आत्महत्या केली.
या घटनेमुळे डकवाडी परिसरात हळहळ व्यक्त करण्यात येत आहे. दरम्यान याप्रकरणी ढोकी पोलीस ठाण्यात अकस्मात मृत्यूची नोंद करण्यात आली असून पुढील तपास स.पो.नि.विलास हजारे यांच्या मार्गदर्शनाखाली बीट अंमलदार प्रदीप मुरळीकर हे करीत आहेत.
अमोल डक यांच्या पश्चात आई, वडील, पत्नी, एक मुलगा व एक मुलगी आहे.
