प्रतिनिधी / धाराशिव
सामाजिक कार्यक्रमातून आपली ओळख निर्माण करणाऱ्या शहरातील गवळी वाडा येथील श्रीकृष्ण गणेश मंडळाच्या यावर्षीच्या सामाजिक उपक्रमांना नववर्षाच्या प्रारंभी सुरूवात झाली आहे. क्रांतिज्योती सावित्रीबाई फुले यांच्या जयंतीनिमित्त अनोखा उपक्रम राबविण्यात आला.शहरातील महिला रुग्णालयात नवजात बालिकांना जन्म देणाऱ्या मातांचा साडी-चोळी आणि मिठाई देऊन सन्मान करण्यात आला.
3 जानेवारी क्रांतीज्योती साविञीबाई फुले यांच्या जयंती दिनानिमित्त मंडळाच्या वतीने बालिका दिन साजरा करण्यात आला.महिला रुग्णालय येथे नवजात बालिकांना जन्म देणाऱ्या मातांचा साडी चोळी व मिठाई वाटप करुन सन्मान करण्यात आला. यावेळी महिला वैद्यकीय अधिकारी गिरीजा परसे,राधा मुळे, संज्योती ओव्हाळ व मंडाळाचे कार्यकर्ते उपस्थित होते.मंडळाने वर्षभर सातत्यपूर्ण कार्यक्रम घेण्याचा निर्णय घेतला असून, त्यासाठी मंडळाचे नियोजन सुरू आहे.
