प्रतिनिधी / धाराशिव
शिवसेना पक्ष फुटीनंतर पक्षात अनेक नवीन नियुक्त्या झाल्या आहेत, अशा सर्व पदाधिकाऱ्यांना पक्षाची संघटन बांधणी कळावी, यासाठी शिवसेना उध्दव ठाकरे गटाच्या वतीने गुरुवार, १८ जानेवारी रोजी राजे कॉम्प्लेक्स येथे संघटन कार्यशाळेचे आयोजन करण्यात आले असून, यात विविध मान्यवरांचे मार्गदर्शन होणार आहे.
संघटन खंबीर तोच राजकीय पक्ष वरचढ ठरतो. खंबीर संघटन असल्यानेच महाराष्ट्रात हिंदुऱ्हदयसम्राट बाळासाहेब ठाकरे यांनी स्थापन केलेली संघटना वरचढ ठरली. गद्दारांच्या फुटीनंतर पक्षात अनेक नवीन पदाधिकारी व शिवसैनिकांच्या नियुक्त्या झाल्या. या सर्वांना शिवसेनेचे बाळासाहेबांचे संघटनबाबत काय निर्देश होते व संघटना कशी मजबुत झाली, भविष्यात संघटन कसे करावे, याची माहिती व्हावी म्हणुन शिवसेना ठाकरे गटाचे धाराशिव तालुकाप्रमुख सतीषकुमार सोमाणी व शहरप्रमुख सोमनाथ गुरव यांनी पक्षश्रेष्ठींच्या आदेशाप्रमाणे गुरुवारी सकाळी ११ वाजता राजे कॉम्प्लेक्स येथे संघटन कार्यशाळेचे आयोजन केले आहे. या कार्यशाळेत धाराशिव लोकसभा मतदार संघाचे खासदार ओमप्रकाश राजेनिंबाळकर, जिल्हाप्रमुख तथा आमदार कैलास घाडगे-पाटील, जिल्हा संपर्कप्रमुख सुनिल काटमोरे, धाराशिव विधानसभा संपर्क प्रमुख अरुण नारकर, सहसंपर्क प्रमुख मकरंद राजेनिंबाळकर, सहसंपर्क प्रमुख शंकरराव बोरकर यांचे मार्गदर्शन होणार आहे. या संघटन कार्यशाळेस धाराशिव तालुक्यातील उपतालुका प्रमुख, विभाग प्रमुख, शाखा प्रमुख, गणप्रमुख, युवा सैनिक, बुथ बीएलओ, शिवसैनिक व मुळ शिवसेनेवर प्रेम करणाऱ्यांनी मोठ्या संख्येने उपस्थित राहावे, असे अवाहन तालुकाप्रमुख सतीषकुमार सोमाणी व शहरप्रमुख सोमनाथ गुरव यांनी केले आहे.
