प्रतिनिधी / धाराशिव (उस्मानाबाद)
अहमदिया मुस्लिम जमातची युवा शाखा मजलिस ख़ुद्दाम-उल-अहमदिया उस्मानाबादच्या वक़ार-ए-अमल विभाग (श्रमाची प्रतिष्ठा) तर्फे अहमदिया मस्जिद बैतुल ग़ालिब ते मुहम्मदिया मस्जिदपर्यंत रसूलपुरा परिसर स्वच्छ करण्यासाठी अहमदिया मुस्लिम समाजाच्या तरुणांनी, इतर स्वयंसेवकांसोबत पुढाकार घेतला.तुंबलेल्या नाल्यांमुळे समस्या निर्माण होत असल्याने आणि मुसळधार पावसात रस्त्यावर ओव्हरफ्लो झाल्यामुळे परिसराला आव्हानांचा सामना करावा लागत होता.
जबाबदार नागरिक म्हणून तरुणांनी या समस्येचे निराकरण केले. विद्यार्थी, शिक्षक, बँक अधिकारी आणि इच्छुक अभियंते यांच्यासह तरुणांनी ड्रेनेज समस्या सोडविण्यासाठी स्वच्छता मोहिमेत सहभाग घेतला. भंगार आणि कचऱ्यासह नाले सफाई करण्यात आली तसेच नाल्या प्रवाहित केल्या.
या कार्यक्रमात जिल्हाध्यक्ष अहमदिया मुस्लिम जमाअत तारिक़ अहमदी, ख़ुद्दाम-उल-अहमदिया शहराध्यक्ष राग़ेब अलीम,अन्सार उल्लाह शहराध्यक्ष अब्दुल लतिफ,मक़बूल अहमद प्रचारक अहमदिया मुस्लिम जमाअत, तसेच अब्दुल अलीम,अब्दुल नईम ,अब्दुल क़य्युम नासीर, नदीम अहमद, मुताहिर अहमद, सजील अहमद, आदिल अहमद, तौसीफ अहमद आदी सदस्यांच्या समावेश होता.
