आरंभ मराठी / धाराशिव
राष्ट्रवादी काँग्रेसच्या ( शरद पवार गट) प्रदेश सरचिटणीसपदी राष्ट्रवादी काँग्रेसचे तडफदार नेते डॉ. प्रतापसिंह पाटील यांची निवड करण्यात आली आहे. पक्षाचे प्रदेशाध्यक्ष जयंतराव पाटील यांनी डॉ. प्रतापसिंह पाटील यांना नियुक्तीपत्र दिले. या निवडीबद्दल डॉ. पाटील यांचे अभिनंदन होत आहे.
डॉ. प्रतापसिंह पाटील यांनी पाच वर्षापूर्वी राष्ट्रवादी काँग्रेस पक्षामध्ये प्रवेश केला होता. त्यांना 2019 मध्ये धाराशिव विधानसभा मतदारसंघातून उमेदवारी मिळण्याची शक्यता होती. मात्र, ही संधी गेल्यानंतरही त्यांनी पक्षाचे निष्ठापूर्वक काम सुरू ठेवले. डॉ.पाटील यांचा जिल्ह्यात ग्रामीण तसेच शहरी भागात उत्तम जनसंपर्क असून, वेगवेगळ्या सामाजिक कार्याच्या माध्यमातून मजबूत पकड आहे. पक्षात कोणतेही महत्वाचे पद नसतानाही त्यांनी पक्षासाठी पाच वर्षे योगदान दिले. राष्ट्रवादी काँग्रेसच्या फुटीनंतर त्यांनी शरद पवारांना साथ देण्याचा निर्णय घेतला. त्यांचे पक्षातील योगदान विचारात घेऊन पक्षाने प्रदेश सरचिटणीसपदाची माळ गळ्यात टाकली आहे. प्रदेशाध्यक्ष जयंतराव पाटील यांनी त्यांना गुरूवारी निवडीचे पत्र दिले. त्यांच्या या निवडीबद्दल अभिनंदन होत आहे.
