प्रतिनिधी / कळंब
तालुक्यातील माळकरंजा येथील जिल्हा परिषद आदर्श प्राथमिक शाळेत स्वच्छतेचे जनक संत गाडगे महाराज यांचा स्मृतिदिन साजरा करण्यात आला.
शाळेतील सहशिक्षक हनुमंत घाडगे यांनी संत गाडगेबाबा यांचा जीवन परिचय विद्यार्थ्यांना करून दिला. यावेळी घाडगे यांनी गाडगे महाराज यांच्या जीवनातील विविध प्रसंग विद्यार्थ्यांना सांगितले.
गाडगे महाराज आणि डॉ. बाबासाहेब आंबेडकर यांचे अतूट नाते विद्यार्थ्यांना समजावून सांगितले. स्वच्छतेचे आपल्या जीवनातील महत्त्वही यावेळी अधोरेखित करण्यात आले. आपण आपली शाळा, आपले गाव, परिसर स्वच्छ ठेवला पाहिजे याबद्दल विद्यार्थ्यांमध्ये जागृती निर्माण करण्यात आली.
यावेळी शाळेतील विद्यार्थिनी कु. जान्हवी लालासाहेब शितोळे हिचा वाढदिवस साजरा करण्यात आला. कार्यक्रमासाठी शाळेचे मुख्याध्यापक संतोष भोजने, सहशिक्षिका भारती सूर्यवंशी यांनी पुढाकार घेतला.
