कळंब प्रतिनिधी :-
कळंब तालुक्यातील मौजे मंगरूळ येथील किशोर पांडुरंग माळी यांची पोलीस उपनिरीक्षकपदी निवड झाल्याबद्दल कळंब येथे महात्मा फुले बचत गट व मित्रमंडळीच्या वतीने सत्कार करण्यात आला. अतिशय हलाखीच्या व कठीण परिस्थितीत, कोणत्याही प्रकारचा क्लास न लावता किशोर माळी यांनी मिळवलेल्या यशाबद्दल उपस्थितांनी त्यांचे कौतुक केले.
आपल्या यशामध्ये माझा मोठा भाऊ शंतनू माळी यांचा मोलाचा वाटा असल्याचे यावेळी किशोर माळी यांनी बोलताना सांगितले.
महात्मा फुले बचत गटाचे सदस्य, लता मंगेशकर शाळेचे सहशिक्षक बोधिसत्व वाघमारे यांचा वाढदिवसही यावेळी साजरा करण्यात आला.कार्यक्रमास माळी, अरुण माळी, राष्ट्रीय ओबीसी कर्मचारी अधिकारी महासंघाचे जिल्हाध्यक्ष संतोष भोजने, प्राध्यापक लालासाहेब धोंगडे, अरुण शेळके, बिभीशन यादव, आकाश माळी, सागर माळी, पुंडलिक करंजकर, सावंत, शिंदे, श्याम जाधवर, चंद्रकांत बारटक्के, जनक वाघमारे, राहुल बचुटे यांच्यासह बचत गटाचे सदस्य व मित्रमंडळी उपस्थित होते.
