जखमी तरुणाची प्रकृती चिंताजनक, जिल्हा शासकीय रुग्णालयात उपचार सुरू
आरंभ मराठी / धाराशिव
विरोधात पोलिसात तक्रार का दाखल केली म्हणत, एका 34 वर्षीय युवकांवर रविवारी रात्री अकरा वाजण्याच्या सुमारास प्राणघातक हल्ला झाल्याची घटना समोर आली आहे. जखमी युवकावर धाराशिवच्या जिल्हा रुग्णालयात उपचार सुरु असून, प्रकृती चिंताजनक आहे.हा प्रकार तुळजापूर तालुक्यातील मसला खुर्द येथे घडला आहे.
याबाबत मिळालेल्या प्राथमिक माहितीनुसार, मसला खुर्द येथील चाँद जिलानी सय्यद वय (34) हे रात्री गावात त्यांच्या राहत्या घराजवळ उभे होते. त्यावेळी हल्लेखोर शाहरुख मैनोद्दीन पठाण ( वय (24) अंजनगाव उमाठे, ता. माढा,जि.सोलापूर) याने माझ्या विरोधात पोलिसात का तक्रार दिली म्हणत गळ्यावर व मानेवर तीक्ष्ण चाकूने सपासप वार करुन गळ्यात चाकू खुपसला. हल्लेखोर व जखमी युवक हे एकमेकांचे नातेवाईक असून, आरोपी हा त्याच्या पत्नीला सतत मारहाण करत होता.
यामुळे जखमी युवकाने माढा पोलीस स्टेशनमध्ये तक्रार दिली होती. याचाच राग मनात धरून आरोपीने रात्री जीवघेणा हल्ला केला. जखमीने 112 नंबर कॉल करुन घडलेला प्रकार संगितला. हल्लेखोराला स्थानिक नागरिकांनी बांधून ठेवले होते. मात्र, तो सुटून फरार झाला आहे.
