आरंभ मराठी / धाराशिव
रोज नवी बातमी, नवा विचार घेऊन वर्षभरातच माध्यमविश्वात स्वतःचे वेगळे स्थान निर्माण केलेल्या दैनिक ‘आरंभ मराठी’ वर्तमानपत्राच्या मोबाईल ॲपचे धाराशिवच्या सामाजिक क्षेत्रातील मान्यवरांच्या हस्ते दिमाखात लॉंचिंग करण्यात आले.
यावेळी व्यासपीठावर ज्येष्ठ शिक्षणतज्ज्ञ एम. डी. देशमुख सर, ज्येष्ठ नेते धनंजय नाना शिंगाडे, यशदा परिवाराचे प्रा. सुधीर सस्ते, व्यापारी महासंघाचे बंटी भैय्या जाधव आणि मुख्य संपादक चंद्रसेन देशमुख उपस्थित होते. यावेळी
धाराशिव जिल्ह्यातील सामाजिक, राजकीय, सांस्कृतिक व शैक्षणिक क्षेत्रातील असंख्य मान्यवर उपस्थित होते.
आरंभ मराठीचे मुख्य संपादक चंद्रसेन देशमुख आणि इतर मान्यवर देखील उपस्थित होते. आरंभ मराठीच्या पहिल्या वर्धापन दिनाच्या सोहळ्यात ‘आरंभ मराठी ॲप’चे लॉंचिंग करण्यात आले. मागच्या एक वर्षातच दैनिक आरंभ मराठी वर्तमानपत्राने तटस्थ आणि विश्वासार्ह बातम्या देऊन जनमानसात वेगळे स्थान निर्माण केले आहे. मागच्या वर्षभरात या दैनिकाने सामाजिक, राजकीय, आर्थिक, सांस्कृतिक, कृषीविषयक, क्रीडा या बातम्यांसोबतच विकास पत्रकारिता करत शेतकऱ्यांच्या यशोगाथा प्रसिद्ध करून आपल्या मातीतल्या लोकांचे कोडकौतुकही केले आहे. नवोदित लेखकांना व्यासपीठ उपलब्ध करून वेगवेगळ्या विषयावरचे लेख प्रसिद्ध करून वैचारिक मंथनही केले.
गेले वर्षभर डिजिटल अंक म्हणून ई पेपरच्या माध्यमातून वाचकांच्या मोबाईलवर अवतरणारा आरंभ मराठी आता मोबाईल ॲपच्या माध्यमातूनही बातम्या सांगणार आहे. प्ले स्टोअरवर ‘आरंभ मराठी’ असे मराठीत टाईप केल्यानंतर लाल रंगामध्ये हे ॲप येईल. ते डाउनलोड केल्यानंतर जगभरातील वाचकांना धाराशिव जिल्ह्यातील ताज्या घटना आणि घडामोडी वाचायला मिळतील.
धाराशिव जिल्ह्यात कुठलीही घटना घडली तर अवघ्या काही मिनिटात त्याची अचूक आणि सत्य बातमी या ॲपवर वाचकांना वाचायला मिळणार आहे. त्याबरोबरच दररोजचा अंक ई-पेपरच्या स्वरूपात ॲप वर उपलब्ध असणार आहे.
जगभरातील नागरिकांना आता या ॲपच्या माध्यमातून ‘आरंभ मराठी’ सोबत कनेक्ट राहता येणार आहे. या ॲपच्या माध्यमातूनही रोज नवी बातमी, नवा विचार देण्याचा प्रयत्न राहणार आहे. दररोज चार लाख वाचक असणाऱ्या आरंभ मराठीचे वाचक या ॲपचे देखील स्वागत करतील असा विश्वास आहे.
