प्रतिनिधी / धाराशिव
वाशी येथील प्रभारी उपकार्यकारी अभियंता हिंगमिरे यांना वाशी येथील काही लोकांनी बेदम मारहाण केल्याने ते गंभीर जखमी झाले असून,त्यांच्यावर जिल्हा शासकीय रुग्णालयात उपचार सुरू आहेत. मात्र,राजकीय दबावापोटी खोटी तक्रार देऊन अभियंता हिंगमीरे यांच्यावर खोटा गुन्हा नोंद करण्यात आला आहे.
हिंगमीरे यांच्यावरील खोटा गुन्हा रद्द करावा, अन्यथा काम बंद आंदोलन करू,असा इशारा वीज कर्मचारी व अभियंता संघर्ष समितीच्या वतीने निवेदनाद्वारे ऊर्जा तथा गृहमंत्री मंत्री देवेंद्र फडणवीस यांना दिला आहे तसेच पोलीस महासंचालक, विशेष पोलीस महानिरीक्षक,जिल्हाधिकारी, पोलिस अधीक्षक, महावितरण मुख्य अभियंता, उपमुख्य अधिकारी लातूर व धाराशिवचे अधीक्षक अभियंता यांना निवेदन देण्यात आले आहे.
