प्रतिनिधी / वाशी
शहरातील भांडवले वस्ती येथे एका वयोवृद्ध व्यक्तीला दोघांनी मारहाण केल्याने मारहाणीत सदरील इसम गंभीर जखमी झाला. सदरील घटना बुधवारी (दि.१२) सकाळी ६ वाजता घडली. इसमाच्या फिर्यादीवरून दोघांविरुद्ध गुन्हा नोंद करण्यात आला असून, पुढील तपास सहाय्यक पोलिस अधीक्षक एम.रमेश करत आहेत.
भांडवले वस्ती येथे राहणारे निवृत्ती सुकाळे सकाळी लघुशंकेनंतर घराकडे जात असताना ज्योतिराम बामणे व स्वाती बामणे यांनी लाथाबुक्क्यांनी व काठी, कात्रीने मारहाण केली. यात निवृत्ती सूकाळे यांच्या डोळ्याला गंभीर जखम झाली. येथील ग्रामीण रुग्णालयात त्यांना उपचारासाठी दाखल करण्यात आले. सुकाळे यांनी दिलेल्या फिर्यादीवरून दोघांविरुद्ध गुन्हा नोंद करण्यात आला आहे. याप्रकरणी परस्परविरोधी तक्रार देण्यात आली आहे.
