रविवारी पदग्रहण सोहळा;प्रांतपालही महिला
प्रतिनिधी / धाराशिव
सामाजिक, क्षेत्रात अग्रेसर असलेल्या रोटरी क्लबच्या अध्यक्षपदी डॉ. अनार साळुंके, तर सचिवपदी डॉ. मीना जिंतूरकर यांची निवड झाली असून, नूतन कार्यकारिणीचा पदग्रहण सोहळा येत्या 9 जूलै रोजी परिमल मंगल कार्यालयात आयोजित करण्यात आला आहे.रोटरी क्लबच्या इतिहासात प्रथमच अध्यक्ष आणि सचिवपदावर महिलांची निवड झाली असून, यामुळे रोटरी परिवाराचे कौतुक होत आहे.
डॉ. अनार साळुंके या व्यंकटेश महाजन महाविद्यालयाच्या प्राचार्या व डॉ. बाबासाहेब आंबेडकर मराठवाडा विद्यापीठ उपकेंद्राच्या संचालिका राहिलेल्या आहेत,तर डॉ. मीना जिंतूरकर या स्त्रीरोग संजीवन क्लिनिक येथे कार्यरत आहेत.
रोटरी प्रांत 3132 हा महाराष्ट्रातील 11 जिल्ह्यांचा आणि 91 क्लबचा मिळून बनलेला आहे. स्वाती हेरकल यांनी 1 जूलै 2023 पासून प्रांतपाल म्हणून प्रांत 3132 ची जबाबदारी स्विकारली आहे. त्या गेल्या 23 वर्षांपासून रोटरीमध्ये सक्रिय आहेत. अनेक प्रांत ,राष्ट्रीय आणि आंतरराष्ट्रीय प्रकल्पांमध्ये त्यांचे मोलाचे योगदान आहे.
पर्यावरण, अंधत्व निर्मूलन, माता-किशोरवयीन मुलींसाठी वर्कशॉप्स, माती पून:निर्मितीसाठी शेतकऱ्यांसोबत काम, परिवर्तन ग्राम, युवकांसाठी अनेक उपक्रम त्यांनी 2023-24 या वर्षांसाठी हाती घेतले आहेत.
रोटरी क्लबच्या गेल्या 33 वर्षात पहिल्यांदाच अध्यक्ष आणि सचिवपदी दोन्ही महिला व कार्यकारिणीत सुद्धा जास्तीत जास्त महिलांचा सहभाग आहे. या सर्वांना प्रांतपाल स्वाती हेरकल यांच्यासारख्या बहूआयामी व्यक्तिमत्वाच्या मार्गदर्शनाखाली काम करण्याची संधी मिळत आहे.
