आरंभ मराठी / पाथरूड
भूम तालुक्यातील पाथरूड जवळील भालेराव वस्ती येथे एसटी बस आणि टॅम्पोचा भीषण अपघात होऊन यामध्ये टॅम्पो चालकाचा जागीच मृत्यू झाल्याची घटना बुधवारी (दि.18) घडली.
यासंबंधी सविस्तर वृत्त असे की, भूम आगाराची बस (एम एच 25 2805) व टॅम्पो यांची समोरासमोर धडक होऊन टॅम्पो चालक गणेश मगर (वय 25, रा. कन्हेरी ता. वाशी) हा जाग्यावरच मृत्युमुखी पडला. एसटी चालक चुकीच्या दिशेने गेल्यामुळे अपघात घडल्याचे प्रत्यक्षदर्शींनी सांगितले. बुधवारी रात्री साडेअकरा वाजता हा अपघात झाला.
यामध्ये एसटी चालक सतीश दिवटे (वय 45 वर्ष) जोरदार अपघातामुळे गंभीर जखमी झाले असून,त्यांना पुढील उपचारासाठी बार्शी येथील हॉस्पिटलमध्ये दाखल करण्यात आले आहे. समोरासमोर जोरदार धडक झाल्यामुळे टॅम्पो चालक जाग्यावरच मृत्युमुखी पडला.
भूम आगाराची एक बस जामखेड भागामध्ये बंद पडल्यामुळे दुरुस्तीसाठी एसटी महामंडळातील त्या विभागाचे कर्मचारी दुरुस्तीसाठी बस घेऊन जामखेड कडे गेले होते.
बस दुरुस्त झाल्यानंतर परत येताना भालेराव वस्ती नजदीक हा भीषण अपघात झाला अपघात इतका भयंकर होता की एसटी रोड सोडून समोरील चिंचेच्या झाडाला धडकल्यामुळे काही अंतरावर असलेल्या घरांवर जाता जाता थांबली. अपघात समोरासमोर झाल्यामुळे एसटीच्या तांत्रिक चालकाला मोठा मार लागला.
