शिराढोण येथे श्रीसंत सेना महाराज पुण्यतिथीनिमित्त धार्मिक कार्यक्रम

प्रतिनिधी / शिराढोण

शिराढोण (ता.कळंब) येथे समस्त नाभिक समाजाच्या वतीने संत सेना महाराज पुण्यतिथीनिमित्त विविध धार्मिक कार्यक्रमांचे आयोजन करण्यात आले होते. यानिमित्त येथील ग्रामदैवत श्री ढोणेश्वर मंदिरात रविवारी (दि.10) ह.भ.प. पुरुषोत्तम महाराज शास्त्री आंधळेवाडीकर यांचे कीर्तन झाले तर सोमवारी (दि.११) सकाळी १० वाजता ह.भ.प. दीपक महाराज मेटे महाराज केजकर यांचे कीर्तन आयोजित करण्यात आले होते. कीर्तन सेवा झाल्यानंतर शिराढोण येथील नाभिक समाजातर्फे महाप्रसाद ठेवण्यात आला होता. याचा लाभ शिराढोण व परिसरातील हजारो भाविकांनी घेतला. या सर्व धार्मिक कार्यक्रमांसाठी येथील समस्त नाभिक समाजातील युवकांनी परिश्रम घेतले.