प्रतिनीधी | धाराशिव
तालुक्यातील रुईभर येथील श्रीक्षेत्र दत्त मंदिर संस्थानच्या वतीने गुरु पौर्णिमा उत्साहात साजरी करण्यात आली. शिष्यांच्या वतीने आप्पा बाबा महाराज यांच्या उपस्थितीत उत्सव साजरा करण्यात आला. यानिमित्ताने गावातून शोभायात्रा काढण्यात आली तर गुरू अप्पा बाबा महाराज यांची हत्तीवरून मिरवणूक काढण्यात आली.
भाविकांमध्ये गुरुपौर्णिमेनिमित्त भक्तिमय वातावरण निर्माण झाले होते.आप्पा बाबा महाराज यांची रुईभर पाटी ते श्रीक्षेत्र दत्त मंदिर संस्थानपर्यंत हत्तीवर शोभायात्रा काढण्यात आली .तसेच श्रीक्षेत्र दत्तमंदिरावर ड्रोनच्या माध्यमातून पुष्पवृष्टी करण्यात आली. श्री सद्गुरु आप्पा बाबा महाराज यांच्या वजनाइतकी मिठाई वाटण्यात आली.तसेच भक्तांसाठी महाप्रसादाचे आयोजन करण्यात आले होते.आप्पा बाबा महाराज व श्रीक्षेत्र दत्त मंदिर संस्थानची कीर्ती महाराष्ट्रासोबतच महाराष्ट्राच्या बाहेर पसरली आहे. महाराष्ट्राच्या बाहेरून अनेक भाविक भक्त दर्शनासाठी रुईभर येथे येतात. गेल्या अनेक वर्षापासून रुईभरवासियांनीही गुरुपौर्णिमा साजरी करण्याची परंपरा जपली आहे.या महोत्सवादरम्यान विविध प्रकारचे कला नाट्य सादर केले जाते. तसेच आप्पा बाबा महाराज यांचे विचार ऐकण्यासाठी भक्त राज्याच्या विविध भागातून आले होते.
