आरंभ मराठी / वाशी
तालुक्यातील गोजवाडा शिवार पुन्हा एकदा हादरला. शुक्रवारी (ता. ६) सकाळी साडे नऊच्या सुमारास गोजवाडा शिवारातील फटाका कारखान्यात अचानक झालेल्या स्फोटामुळे परिसरात एकच खळबळ उडाली.
स्फोट इतका तीव्र होता की कारखान्याचे पत्र्याचे शेड पूर्णतः उद्ध्वस्त झाले. मोठी जीवितहानी टळली असली तरी घटनेनंतर परिसरात भीतीचे वातावरण पसरले होते.
घटनेची माहिती मिळताच तहसीलदार प्रकाश म्हेत्रे यांच्यासह वाशी पोलिसांनी घटनास्थळी धाव घेत पाहणी केली.
