ज्येष्ठ कवी इंद्रजीत भालेराव यांचे गौरवोद्गार, परिवाराच्या सदस्यांचा भव्य मेळावा
आरंभ मराठी / धाराशिव
श्री सिद्धिविनायक परिवार आणि परिवाराचे प्रमुख दत्ताभाऊ कुलकर्णी यांचे उद्योगी आणि सामाजिक कार्य हे ज्येष्ठ नेते स्वर्गीय गणपतराव देशमुख यांच्या कार्याप्रमाणे असून हे कार्य महाराष्ट्र समोर आदर्शवत आहे ,असे गौरोद्गार ज्येष्ठ कवी इंद्रजीत भालेराव यांनी काढले. सिद्धिविनायक परिवाराच्या कौटुंबिक सदस्यांचा स्नेह मेळावा शनिवारी सायंकाळी शहरातील परिमल मंगल कार्यालयात संपन्न झाला. यावेळी भालेराव बोलत होते.
मेळाव्यासाठी श्री सिध्दीविनायक परिवारातील बँकिंग, गूळ कारखाना, इन्शुरन्स तसेच शेती संबधित क्षेत्रात काम करणारे जिल्ह्यातील सर्व सहकारी सहपरिवार उपस्थित होते. कार्यक्रमाच्या अध्यक्षस्थानी श्री सिध्दीविनायक परिवाराचे संस्थापक दत्ताभाऊ कुलकर्णी यांच्या मातोश्री श्रीमती मीनाताई कुलकर्णी तर प्रमुख अतिथी म्हणून प्रख्यात साहित्यिक कवी इंद्रजित भालेराव यांची उपस्थिती होती. यावेळी इंद्रजित भालेराव यांनी कवितेच्या माध्यमातून उपस्थितांना मार्गदर्शन केले. बहिणाबाई चौधरी यांच्या कवितेचे उदाहरण देत दत्ता कुलकर्णी हे खूप चांगल्या पद्धतीने राजकीय क्षेत्रात आणि सामाजिक क्षेत्रात उत्तम काम करत आहेत,असे गौरव उद्गार काढले. राजकारण करत करत निष्ठेने उद्योग करायला हवा, हे आपल्याकडून शिकण्यासारखं आहे. असे म्हणत मी आपले काम पाहतात असताना स्वर्गीय श्री.गणपतराव देशमुख यांची आठवण झाली. त्यांनी एकामागून एक उद्योग उभा करत महाराष्ट्रात एक मॉडेल उभे केले होते. जिथे कापूस पिकत नाही अश्या सांगोला येथे सुतगिरणी उभी केली तसेच यातून मिळालेल्या नफ्यातून त्यांनी महिलांच्या हाताला काम मिळवून दिले. आपल्या समाजावर कशी निष्ठा असावी हे स्वर्गीय गणपतराव देशमुख यांच्याकडून शिकलं पाहिजे त्यांनी जसे उद्योग सुरू केले व चालवले त्यांचेच प्रतिबिंब दत्ताभाऊ कुलकर्णी यांच्यात पाहायला मिळाले असेही म्हणाले,
शिक पोरा शिक,लढायला शिक,
यावेळी इंद्रजित भालेराव यांनी शिक पोरा शिक,आता लढायला शिक, शेतकरी बाप, यासह गाऊ जिजाऊस आम्ही या कविता संग्रहातील त्यांच्या बालपणावरील कविता, माय लेकीची कविता म्हणत त्यांनी उपस्थितांना मंत्रमुग्ध तर केले. या कार्यक्रमास शिक्षण तज्ज्ञ एम.डी. देशमुख, ज्येष्ठ विधीज्ञ ॲड. रामभाऊ गरड, रवि केसकर, योगेश कुलकर्णी, ॲड.नितीन भोसले, ॲड. प्रतीक देवळे, दिनेश कुलकर्णी, बालाजी कोरे, बालाजी चव्हाण, संतोष जहागीरदार, गणेश कामटे, राजेश जाधव, देविदास कुलकर्णी, अरविंद गोरे, रामभाऊ सरडे व सर्व सहकारी व महिला माता भगिनी, कुटुंबीय उपस्थित होते.
