प्रतिनिधी / कळंब
कळंब तालुका पत्रकार संघाचा पुरस्कार वितरण सोहळा बुधवारी म्हणजेच 10 जानेवारी रोजी आयोजित करण्यात आला असून, हा सोहळा शिक्षणमहर्षी ज्ञानदेव मोहेकर महाविद्यालयाच्या सांस्कृतिक सभागृहात सकाळी साडेअकरा वाजता होणार आहे.कार्यक्रमाला उपस्थित राहण्याचे आवाहन पत्रकार संघाचे अध्यक्ष अशोक शिंदे यांनी केले आहे.
कळंब तालुका पत्रकार संघाच्या पुरस्कार वितरण सोहळ्याचे हे पंचविसावे वर्ष असून, यासाठी लोकशाही न्यूजचे संपादक कमलेश सुतार, पुढारी न्यूजच्या असिस्टंट न्यूज एडिटर नम्रता वागळे,राजकीय विश्लेषक अभय देशपांडे यांची प्रमुख उपस्थिती राहणार असून, कार्यक्रमाच्या अध्यक्षस्थानी प्राचार्य डॉ. अशोक मोहेकर यांची उपस्थिती राहणार आहे.
या दिवशी पुस्तक प्रकाशन, मोफत आरोग्य तपासणी शिबिर, पुस्तक संकलन मोहीमचा शुभारंभही आयोजित करण्यात आला आहे. कार्यक्रमाला सर्वांनी उपस्थित रहावे असे आवाहन पत्रकार संघाचे अध्यक्ष अशोक शिंदे यांनी केले आहे.
यांचा होणार गौरव
आफताब शेख (सोलापूर), अतुल कुलकर्णी (बीड), गणेश अण्णा शिंदे (धाराशिव), निलेश मोहिते (बीड), बालाजी अडसूळ (कळंब), गिरीष जव्हेरी (धाराशिव),मुस्तान भाई मिर्झा (कळंब), अब्दुल माजीद काझी ( कळंब) यांचा पुरस्कार देवून गौरविण्यात येणार आहे.
