प्रतिनिधी / वाशी
मराठवाडा मुक्तीसंग्राम दिन अमृतमहोत्सव वर्षानिमित्त शहरातील हुतात्मा श्रीधर वर्तक चौक याठिकाणी मान्यवरांच्या हस्ते हुतात्मा स्मारक कोनशिलेचे अनावरण रविवार (दि१७) रोजी करण्यात आले. यावेळी नगराध्यक्षा विजया गायकवाड,उपनगराध्यक्ष सुरेश कवडे,मुख्याधिकारी गिरीष पंडित यांची प्रमुख उपस्थिती होती. मराठवाडा मुक्तीसंग्रामतील हुतात्मा श्रीधर वर्तक यांच्या स्मरणार्थ असलेल्या शहरातील वर्तक चौकात मुक्तीसंग्राम अमृतमहोत्सव वर्षानिमित्त कोनशिलेचे बांधकाम व चौकाचे सुशोभीकरण करण्यात येत आहे.मराठवाडा मुक्तीसंग्राम निमित्त ध्वजारोहण झाल्यानंतर कोनशिलेचे अनावरण करण्यात आले.
यावेळी नगरसेवक,विद्यार्थी व शहरातील नागरिक मोठ्या संख्येने उपस्थित होते.
