घारगाव येथे मराठा आरक्षणासाठी दोन तास रस्तारोको आंदोलन

प्रतिनिधी /शिराढोण

महाराष्ट्रभर मराठा आरक्षण मिळावे व कुणबी मराठा जात प्रमाणपत्र मिळावे यासाठी ठीकठिकाणी आंदोलणे सुरु आहेत या आंदोलनास समर्थन देण्यासाठी कळंब तालुक्यातील घारगाव येथील मराठा बांधवानी कळंब लातूर रोडवर शुक्रवारी रोजी सकाळी दहा वाजल्यापासून दोन तास रस्ता रोको आंदोलन केले.

या आंदोलनात मराठा युवकांसह, महिला, विद्यार्थी यांचा शेकडोच्या संख्येने सहभाग होता. यावेळी आरक्षण देऊन कुणबी मराठा जातीचे प्रमाणपत्र देण्यात यावे या मागणीचे निवेदन मंडळ अधिकारी व तलाठी यांच्या मार्फतीने तहसीलदार यांना देण्यात आले.